Ae kalam mere saath chal...

Ae kalam mere saath chal,saath chal us waqt main...
Jab hamari aankho k aage koi parat na hua karti thi...
Jab hamari hathelia itni kadak na hua karti thi...
Jab hum papa ka haath pakad kar chalte the...
Jab hum har khilaune ko dekh kar machalte the...
Ae kalam mere saath chal saath chal us waqt main...
Jab sabse uchi jagah papa ka kandha hua karta tha...
Jab class main 1st aana sabse bada sapna hua karta tha...
Jab tiffin main hum aloo k parathe bade chaav se khate the...
Jab hum kagaz ki naav pani par tairate the...
Ae kalam mere saath chal saath chal us waqt main...
Jab hum national anthem khade hokar gaate the...
Jab hum colony ki galiyon main cycle daudate the...
Jab chot lagna chhuti ka ek bahana tha...
Jab sardiyon main sabse bada kaam subah subah nahana tha...
Ae kalam mere saath chal saath chal us waqt main...
Jab garmiyon ki chhutiyan dadi nani ki kahaniyon main gujar jaati thi...
Jab shararate karne main hume bilkul sharam nai aati thi...
Jab sanskrit ki class main hum sojaya karte the...
aur bahar khade kiye jane par shor machaya karte the...
Ae kalam mere saath chal saath chal us khoobsurat waqt main...
Jin dino ko yaad kar mujhe aaj pe taras aata hai...
Jin dino k aachal main mera bachpan samata hai...
Jin dino main apne parivar k saath raha karta tha...
Jin dino main zindagi sach main jeeya karta tha...